Gaggohaas – D’Gschicht

Kalti Fiess sin ebbis Unagnähms und verhindere dr gueti Schloof. Wär seent sich do nit nachem kuschlige Fiesslipyjama vo friener. Genau das hämmer gmachten und sin uf d’Suechi gange. Mir sin zwar nit fündig, aber derfyr fndig worde. S’Resultat: Gaggohaas – s’einzig Pyjama mit Fiess fyr Kinder UND Erwaggseni. Zuedäm bietet Gaggohaas e Reie vo spezielle Produggt fyr e Wolfylberych. Die hellblaue «Haase» us Schwiizer Handarbet sorge fyr nostaligische Gfyyl und warmi Zeche.

D’Meilestei

• D’Idee wird im Frielig 2005 in d’Tat umgsetzt und dr erschti Prototyp isch entschtande.
• D’Gaggohaas GmbH wird im Dezämber 2005 dure Fabian Sacker und Patrick Schünemann gryndet und startet mitem aigene Webshop.
• Coop Supercard nimmt sämtligi Artiggel fyr 2 Joor in iir Sortimänt uf.
• S’Sortiment wird regelmässig erwiteret.
• 2007 wird d’Produggtion und d’Logistig ins SVZ im Entlebuch usglageret.
• S’Vertriibsnetz wird steetig erfolgrich erwiteret (CH, DE, JP).
• 2008 Dr Gaggohaas Fabrigglaade wird eröffnet.
• Dr Umsatz ka allewyl gschteigeret wärde (2007/08/09 bis zu 35%).
• 2009: Gaggohaas isch jetz sit 4 Joor ufem Märt und isch bereits dr gröschti Härschteller vo Fiesslipyjamas fyr Erwaggseni in Europa.
• 2010: Gaggohaas fiirt sii 5-jährigs Jubiläum
• 2011: Gaggohaas erwiteret dr Absatzmärt in dr DACH-Region stetig.
• 2012: Gaggohaas goes pink - dr rosaroti Gaggohaas isch gebore!

D’Gaggohaase wärde im In- und Usland sowol online, wie au offline verkauft. Das isch dr läbigi Bewiis doderfyr, das au hyt ze’daag Schwizer Textilproduggt, in der Schwiz und im Usland erfolgrich kenne si.

Ybrigens, wär isch eigentlig dr Gaggohaas?

Es isch emmol e „Kaffi Isaak“ uf em Basler Miinschterplatz gsi. Dört isch e grossi Tasse mit emene Stigg Fäll gschtande. Dryber isch e durchsichtigi Käseglogge gsi, eso das me s'Fäll nit het kenne beriere. S'Fäll het sich natirlig au bewegt - abr das ka doch gar nit sii, odr? Das isch dr Gaggohaas (Kakao-Hase) gsi, wo in dr Gaggotasse ufgwachse isch.

D’Produggtion (SVZ, Entlebuch)

D’Produggt sin Swissmade und wärde us hochwärtigschte Materialie im Neiatelier im Entlebuch, bim Schwizer Versandzentrum (SVZ), härgschtellt. Vo do us wärde näbe dr Produggtion au sämtligi logistische Prozäss, wie d’Lagerhaltig und dr Versand, abgewigglet.

D’Logistig (SVZ, Entlebuch)

Das innovative Kommissionierkonzäpt ermeglicht kyrzischti Verarbeitigszyte und hegschti Produggtivitet.

Usliferig

D’Päggli wärde schlussändlig per Poscht an d’Kunden verteilt.